*غداء اقتصادي بدون ملل... أطباق رئيسية تغير شكل السفرة*.

جميعنا بيمر علينا هذا الأسبوع... تفتحي الثلاجة تلاقي بيض وبطاطس وعدس وشوية أرز.

وتحتاري "هعمل غداء إيه تاني؟". 

المحشي والملوخية والمكرونة بالصلصة واللحمة والدجاج أصبحوا روتين.

ولكن من الذي قال قال إن الغداء الاقتصادي لازم يكون ممل؟  

اليوم سأهدي لكِ 3 أفكار أطباق رئيسية جديدة، بمكونات موجودة في مطبخك، تكلفتها قليلة للفرد.

والأهم: هتغير شكل السفرة وتخلي العائلة منبهرة.

يلا نبدأ نقول الأفكار :

*1. شكشوكة المكرونة: طبق واحد يشبع ويوفر غسل الأطباق*

فكرة الشكشوكة معروفة، ولكن عمرك جربتي تضيفي عليها مكرونة؟ هذا الطبق اختراع وموفر ومشبع.

*المكونات:*

4 بيضات - 2 كوب مكرونة مسلوقة -  2 طماطم - فلفل أخضر -  بصلة -  ملح وفلفل وكمون.

*الطريقة:*

1.  في طاسة شوحي البصلة والفلفل لحد ما يدبلوا.

2.  انزلي بالطماطم المضروبة واتركيها تتسبك تقريبا لمدة 5 دقايق.

3.  ضيفي المكرونة المسلوقة وقلبي.

4.  اعملي ثقب واكسري البيض فيها، غطي الطاسة 7 دقائق لحد ما يستوي.

*لماذا سيكون الطبق فكرة جيدة ؟*

لأنه بيستخدم بواقي المكرونة، ومشبع جداً بسبب البروتين الموجود في  البيض و النشويات وتكلفتها قليلة .
شكله في الطاسة وهو سخن يفتح النفس ويغير شكل السفرة خالص.

*تركة خفيفة:* رشة جبنة رومي مبشورة على الوجه قبل التقديم بتخليه فاخر.

*2. كفتة البرغل: نصف كيلو لحمة عمل 2 كيلو كفتة*

 بهذه الطريقة هتاكلي كفتة وتوفرى.

*المكونات:*

نصف كيلو لحمة مفرومة -  كوب برغل ناعم منقوع -  بصلة كبيرة - بقدونس -  بهارات كفتة- ملح وفلفل.

*الطريقة:*
1.  صفي البرغل كويس جداً من الماء.

2.  افرومي كل المكونات مع بعض في الكبة مرتين لحد ما تنعم.

3.  صبعيها على سيخ خشب وحطيها في صينية.

4.  دخليها الفرن 20 دقيقة أو شوحيها في طاسة.

*لماذا سيكون الطبق خيار جيد؟*

البرغل بيتضاعف مع اللحمة وبيخليها هشة ومتماسكة. يعني النصف كيلو بقى يكفي 8 أفراد بدل 4. وطعمه رائع. قدميها مع أرز أبيض وسلطة طحينة والسفرة اتغيرت تماماً.

*تركة بسيطة:* نقطة زيت في ايدك وانتي بتصبعي لكي لا تلزق، ومياه البصل على الوجه بتدي لمعة.

*3. طاجن الرز بالعدس الأصفر والبصل المحمر: كشري ولكن فخم*

زهقنا من الكشري العادي. هذا الطاجن هو هو المكونات ولكن بشكل جديد خالص.

*المكونات:*

2 كوب رز - كوب عدس أصفر -  2 بصلة كبيرة متقطعة شرائح -  3 فصوص توم - كمون وكزبرة ناشفة.

مرقة (اختياري).

*الطريقة:*

1.  حمري البصل في شوية زيت لحد ما يبقى بني ومقرمش وشيليه.

2.  في نفس الزيت شوحي التوم، انزلي بالرز والعدس وقلبي.

3.  ضيفي الماء أو المرقة والبهارات، واتركيه يستوي.

4.  اغرفي في طاجن ورشي البصل المحمر على الوجه.

*لماذا سيكون طبقك المفضل؟*

لأنه اقتصادي جداً: الرز والعدس والبصل موجودين في كل بيت.

ولكن التقديم في طاجن فخار مع البصل المقرمش بيخليه شكله عزومة وليس غدا عادي. ومشبع ومتكامل وفيه بروتين نباتي.

*تركة فخمة:* معلقة سمنة بلدي في الآخر بتقلب الطعم 180 درجة.

*نصائح ذهبية لكي لا تزهقي من الغداء الاقتصادي*

1.  *غيري الشكل وليس المكونات:* نفس البطاطس لو اتعملت ودجز أو مهروسة أو في صينية بتعطي إحساس جديد.

2.  *البهارات هي السر:* الكمون والكزبرة والبابريكا بيغيروا طعم أي حاجة.

3.  *التقديم نصف الأكل:* اغرفي في أطباق ملونة وحطي خضرة على الوجه. العين بتاكل الأول.

*أسئلة ليكي وأتمنى تردي عليها*.

*1- أنهي طبق فيهم ناوية تجربيه الأول: شكشوكة المكرونة ولا كفتة البرغل؟*

*2- إيه أكتر أكلة اقتصادية بتعمليها في البيت ولا أحد يعرفها؟ شاركينا الوصفة*

*3- تحبي المقال الجاي يكون عن غداء اقتصادي ولا حلويات اقتصادية؟*

*منتظرة رأيكم كلكم في الكومنتات  هرد على كل التعليقات*

*_شكراً من قلبي لكل بطلة كملت المقال للآخر_ * 
عارفة إن وقتك غالي وإنك بتدوري على أفكار تنفع بيتك وأولادك.
وجودك وقراءتك للآخر هي اللي بتشجعني أنزل وصفات جديدة كل يوم.  

دعمكم هو اللي بيخلينا نستمر. متنسوش تقولولي وصلتوا لحد فين في المقال واستفدتوا بإيه.