*طريقة عمل الكوكيز الطري في المنزل بكل سهولة*.

*أسهل وصفة كوكيز بالشوكولاتة بمكونات من المطبخ*.

رائحة الكوكيز الطازجة من المنزل بتغير المود كله. ولكن بنشتري الجاهز بيكون طعمه فخم وبيفضل لثاني يوم طري والذي نعمله في المنزل بينشف لماذا ؟

السر ليس في مقادير مختلفة. السر في : نوع السكر - درجة حرارة الزبدة - وقت الخبز.

اليوم هقولك طريقة عمل الكوكيز الطري الذي يذوب في الفم. بمكونات من مطبخك .

1. المكونات وأسرار نجاح الكوكيز الطري :

قبل ما نبدأ لازم نفهم ما سبب نشفان الكوكيز ؟ لأننا بنعجنه كثير أو بنتركها في الفرق وقت كثير.

*مقادير 20 قطعة كوكيز حجم متوسط:*

1.  *2 كوب دقيق متعدد الاستخدامات*: انخليه عشان يدخل هوا ويبقى هش.

2.  *نصف كوب زبدة طرية مش سايحة*: طلعيها من التلاجة قبلها بساعة. هي سر الطراوة.

3.  *نصف كوب سكر أبيض و نصف كوب سكر بني*: السكر البني هو السر. فيه عسل أسود فـ بيخلي الكوكيز طري ومكرمل.

4.  *1 بيضة كبيرة بدرجة حرارة الغرفة*.

5.  *معلقة صغيرة فانيليا سايلة*: بتفرق في الرائحة.

6.  *نصف معلقة صغيرة بيكنج صودا و نصف معلقة ملح*: البيكنج صودا بتدي القوام الممطوط.

7.  *1 كوب شيكولاتة شيبس*: نوع نضيف عشان متسحش كلها.

*3 أخطاء بتخلي الكوكيز ناشف:*

1.  *استخدام زبدة سايحة*: لازم طرية عشان تحبس هوا.

2.  *العجن الكتير*: أول ما الدقيق يختفي وقفي. العجن بينشط الجلوتين.

3.  *الخبز الزيادة*: الكوكيز بتكمل سواها وهي بره. طلعيها لما الأطراف تتحمر والنصف لسه طري.

*بدائل اقتصادية:*

لا يوجد سكر بني؟ ضعي كوب سكر أبيض ومعلقة عسل أسود. 

لا يوجد شيكولاتة شيبس؟ كسري أي شوكولاتة عندك.

*2. الطريقة بالتفصيل خطوة خطوة و 4 نكهات جديدة*

 

*الخطوة 1: تجهيز العجينة*

في بولة كبيرة اضربي الزبدة الطرية مع السكر الأبيض والبني بالمضرب الكهربا 3 دقايق لحد ما اللون يفتح والقوام يبقى كريمي. هذا بيدخل هوا. 

ضيفي البيضة والفانيليا واضربي 30 ثانية. 

في بولة تانية انخلي الدقيق والبيكنج صودا و الملح.

 ضيفيهم على الخليط السائل وقلبي بسباتيولا تقليبتين فقط.

في الآخر ضيفي الشوكولاتة شيبس وقلبي.

*الخطوة 2: التشكيل والتبريد*

هذه أهم خطوة محدش بيعملها. غطي العجينة ودخليها التلاجة 30 دقيقة. 

التبريد بيمنع الكوكيز يفرش في الفرن وبيخلي الطعم مركز أكتر. 

بعدين كوري العجينة كور قد الجوزة وحطيها على صينية فيها ورق زبدة وسيبي مسافة بينهم.

*الخطوة 3: الخبز والتخزين*

دخلي صينية في فرن سخن مسبقاً على 180 درجة. 10 لـ 12 دقيقة بالظبط. 

هتطلع الأطراف دهبي والنص لسه طري وبيلمع. ده الصح. 

سيبيها في الصينية 5 دقايق وبعدين انقليها على شبكة. هتنشف شوية وتبقى طرية من جوه.

*4 نكهات تغيري بيها:*

1.  *كوكيز دابل شوكولاتة*: شيلي ربع كوب دقيق وحطي ربع كوب كاكاو خام.

2.  *كوكيز الشوفان والزبيب*: شيلي نص كوب دقيق وحطي نصف كوب شوفان ونصف كوب زبيب.

3.  *كوكيز الفستق*: ضيفي نص كوب فستق مجروش و معلقة ماء ورد.

4.  *كوكيز اللوتس*: ضيفي 3 معالق زبدة لوتس للعجينة وبسكوت لوتس مكسر.

*مدة التخزين:* في علبة محكمة أسبوع. في الفريزر 3 شهور.

*3. فوائد عمل الكوكيز في البيت وأفكار للتقديم*

لماذا نتعب ونعملها في البيت والجاهز موجود؟ عشان 3 أسباب.

*أولاً: التوفير والجودة*

علبة كوكيز جاهزة 400 جرام بـ 90 جنيه. بتاعت البيت بتكلف 40 جنيه وبتعمل كيلو. 

وكمان انتي اللي بتتحكمي في السكر ونوع الشوكولاتة ومفيش مواد حافظة.

*ثانياً: أفكار تقديم للحفلات والمدرسة*

1.  *لانش بوكس*: حطي 2 كوكيز مع تفاحة. سناك متكامل.

2.  *آيس كريم سندوتش*: حطي بولة آيس كريم بين 2 كوكيز ودخليها الفريزر.

3.  *تغليف هدايا*: حطي 6 قطع في كيس سيلوفان وشريط. هدية بسيطة.

4.  *مع القهوة*: الكوكيز الطري مع فنجان قهوة الصبح = مزاج.

*ثالثاً: نشاط للأطفال*

خلي ولادك يكوروا العجينة ويحطوا الشوكولاتة. هيتبسطوا وهياكلوا اللي عملوه. 

ونصيحة: ضاعفي الكمية ودخلي نصها الفريزر نية. وقت ما تحبي اخبزيها طازة.

شوفتي سهلة ازاي؟ الزبدة الطرية و السكر البني و متخبزيش زيادة يعني  كوكيز محترف. 

جربي الوصفة هذه مرة واحدة واوعدك مش هتشتري كوكيز جاهز تاني. 

احفظي المقادير دي وبدلي النكهات زي ما تحبي.

ما هي  المشكلة اللي بتواجهك لما بتعملي كوكيز وبتطلع ناشفة معاكي؟

ٍ. بتحبي الكوكيز بتاعك طري ولا مقرمش؟ وليه؟
لو هتضيفي مكون جديد للكوكيز هيكون ايه؟ مكسرات ولا فواكه مجففة؟