*كيفية الاستفادة من بواقي المعجنات بدل ما تفضل في الثلاجة*.
من الذي لا يعمل معجنات منزلية وفضل شوية عجين في الثلاجة؟ بنقول "هنعملهم بكره" وبكره بيجي وننساهم لحد ما يتلف أو لا نعرف كيفية الاستفادة منه.
هذا العجين فلوس ومجهود وتعب ساعات. والنهاردة هقولك كيف تقلبي هذا البواقي لأشياء جديدة خالص. ولا كأنها كانت بواقي ولا احد يصدق إنها ببواقي العجين.
مش لازم تعملي نفس الرغيف أو نفس الفطيرة. 5 أفكار فقط هتخلي هذا العجين نجم جديد في المطبخ.
*1. 5 أفكار سريعة لتحويل بواقي العجين*
كل هذه الأفكار تنفع بالعجين بتاع البيتزا، الفطاير، أو حتى عجينة العيش.
*الفكرة 1: رقائق مقرمشة بالزعتر* 
افردي العجين رفيع جداً بالنشابة. قطعيه مثلثات. ادهنيه زيت زيتون ورشة زعتر وملح وسم.
دخليه الفرن 8 دقايق. بقى عندك "كراكرز" . يتاكل مع الجبنة والشاي.
*الفكرة 2: دوناتس مقلية سريعة*
كوري العجين كور صغيرة واعملي ثقب في النصف بصابعك. سيبيها تخمر 15 دقيقة فقط. اقليها في زيت سخن وطلعيها على سكر بودرة. أحلى دوناتس بدون بيض ولا لبن.
*الفكرة 3: بيتزا رول مقرمشة* 
افردي العجين مستطيل.
حطي صلصة وجبنة وزيتون ولفيه رول. قطعيه حلقات ورصيه في صينية. 15 دقيقة في الفرن وبقى سناك للولاد تحفة ، ممكن الفطار او للعشاء.
*الفكرة 4: خبز الثوم في الطاسة*
قطعي العجين مربعات. في طاسة سخنة بنقطة زيت حمريه من الناحيتين. أول ما يطلع ادهنيه زبدة وتوم مفروم وبقدونس. بقى أحلى عيش ثوم جنب الشوربة ولذيذ وتحفة.
*الفكرة 5: حلو القرفة السريع*
افردي العجين وادهنيه زبدة سايحة ورشة سكر وقرفة. لفيه رول وقطعيه. رصيه في صينية وسيبيه يخمر نص ساعة وبعدين على الفرن. رشة سكر بودرة عليه وهو سخن. بقى سينابون اقتصادي.
*2. 3 قواعد مهمة لكي لا تتلف البواقي*
1. *التخزين الصح*: لفي العجين الباقي بكيس نايلون كويس جداً ودخليه التلاجة. يقعد 3 أيام. أو في الفريزر شهر.
2. *التخمير السريع*: عشان الوقت، طلعي العجين قبلها بساعة من التلاجة. أو حطيه في مكان دافي 20 دقيقة فقط.
3. *متخافيش من اللعب*: البواقي معمولة عشان نجرب. زودي بهارات، حشوات، أو سكر. لا يوجد قواعد هنا.
*3. لماذا لا نرمي أي بواقي تاني؟*
لأنه فلوس مدفوعة ولا يصح رمي الاشياء في القمامة واحنا نقدر نستخدمها صح.
معلقة الدقيق اللي في العجين ده جت بشقى. ولما بنستفيد بكل حاجة بنحس ببركة في البيت والأكل.
وكمان دي فرصة نعلم ولادنا قيمة مهمة ودرس مهم جدا .
جربي فكرة منهم النهاردة. هتتفاجئي بالنتيجة وهتوفري وقت ومجهود.
بواقي المعجنات ليس مصريها القمامة. هذه فرصة. فرصة لطبق جديد، لسناك سريع، ولحل سحري وقت الزنقة. المرة الجاية لا تتركي العجين في التلاجة وينسيه. قلبيه فوراً.
شكرا إنك كملتي للآخر ، هتجربي هذه الطرق ام لا ؟
شاركيني رأيك في الكومنتات هل استفتدي من المقال ، ولو عندك أي استفسار لا تترددي.
الرجاء تسجيل الدخول لتتمكن من التعليق