*حلويات بالليمون : نكهات منعشة تناسب أجواء الصيف*.
مع ارتفاع درجة الحرارة وثقل النفس .
وآخر حاجة نفسك فيها حاجة مسكرة ثقيلة تلزق.
محتاجة حاجة ترد الروح.
حاجة مززة كده تفوقك.
الحل الوحيد: الليمون.
الليمون ليس فقط للماء والعصير.
الليمون بطل الحلويات الصيفية.
بيعطي انتعاش. بيقطع الحلاوة الزيادة.
وشكله أصفر مبهج يفتح النفس.
النهاردة جايبالك 3 وصفات مختلفة بالليمون.
واحدة باردة، واحدة في الفرن، وواحدة كوبايات سريعة.
اختاري اللي يناسب وقتك ومزاجك.
*1: تارت الليمون البارد - فخامة بدون فرن*
هذه للأشخاص الذين يحتاجون إلي شكل فخم و شيك وتقديم فخم ولكن بدون استخدام الفرن.
*المكونات*
للقاعدة: باكو بسكويت سادة مطحون - 4 معالق زبدة سائحة.
للحشو: علبة حليب مكثف محلى - نصف كوب عصير ليمون فريش - كوب كريمة خفق - بشر ليمونة.
*الطريقة*
1. قلبي البسكوت مع الزبدة وافرديهم في صينية تارت واضغطي كويس. دخليها الثلاجة لمدة 15 دقيقة.
2. في بولة اضربي الحليب المكثف مع عصير الليمون. هتلاقيه ثقل لوحده بسبب الحموضة.
3. اضربي الكريمة لحد ما تعمل قمم.
4. قلبي الكريمة مع خليط الليمون بالراحة وبشر الليمون.
5. صبي الخليط فوق القاعدة وساوي الوجه.
6. التلاجة 4 ساعات على الأقل. زيني بشرائح ليمون رفيعة.
*لماذا ستكون هذه الوصفة مناسبة للصيف؟*
باردة ومرطبة. الحموضة بتاعة الليمون بتخليكي لا تشعري بثقل الحلي.
ممكن تتعمل من بالليل.
وشكلها أصفر مع البسكويت البني بيبقى تحفة في التصوير.
تركة خفيفة : اعصري الليمون قبلها على طول عشان النكهة تبقى قوية.
ولو حباها مسكرة أكثر زودي معلقتين سكر بودر.
*2: كيكة الليمون الهشة - رائحة المنزل كله انتعاش*
هذه الوصفة مناسبة لو محتاجة تخلي رائحة الشقة كلها حلوة.
وتتشرب مع الشاي الساقع.
*المكونات*
2 كوب دقيق. كوب سكر.
نصف كوب زبدة طرية.
2 بيضة. نصف كوب عصير ليمون. بشر ليمونتين.
نصف كوب لبن. معلقة بيكنج باودر. رشة ملح.
للصوص: نصف كوب سكر بودر - 2 معلقة عصير ليمون.
*الطريقة*
1. اضربي الزبدة والسكر لحد ما يبقوا كريمي.
2. ضيفي البيض واحدة وبشر الليمون
3. ضيفي الدقيق والبيكنج باودر بالتبادل مع اللبن وعصير الليمون.
4. صبي في قالب مدهون ودخلي فرن 180° لمدة 35-40 دقيقة.
5. أول ما تطلع وهي سخنة اخلطي السكر البودر مع عصير الليمون وصبيه عليها.
الصوص هينزل داخال الكيكة ويخليها طرية ومززة.
*لماذا ستكون خيارك المفضل؟*
رغم إنها في الفرن ولكن خفيفة جداً.
ليست ثقيلة مثل كيك الشوكولاتة.
الليمون بيخليها منعشة ومش بتزهق.
تنفع فطار أو مع الضيوف العصر.
تركة بسيطة : لا تفتحي الفرن قبل 30 دقيقة لكي لا تهبط.
والصوص وهو سخن هو سر الطراوة.
*3: كاسات موس الليمون السريع - انتعاش*
هذه وقت الطوارئ. ضيوف على وصول ولا يوجد وقت كافي.
*المكونات*
كوب كريمة خفق ساقعة جداً.
3 معالق سكر بودر.
نصف كوب زبادي. 3 معالق عصير ليمون.
بشر ليمونة. بسكويت مكسر للتزيين.
*الطريقة*
1. اضربي الكريمة مع السكر لحد ما تتماسك.
2. ضيفي الزبادي وعصير الليمون وبشر الليمون وقلبي بالملعقة.
3. هاتي كاسات. ضعي طبقة بسكوت مكسر وطبقة موس.
4. دخليها الثلاجة نصف ساعة فقط.
5. زيني بورقة نعناع وشريحة ليمون.
*لماذا ستكون مناسبة في الصيف؟*
سريعة جداً وبدون استخدام الفرن.
الزبادي مع الليمون
بيعطي إحساس ترطيب .
تقديمها فردي فشيك ومش بيبهدل.
تركة مهمة : دخلي البولة والمضرب الفريزر 10 دقايق قبل الضرب.
الكريمة هتتماسك أسرع.
*نصائح ذهبية لكي يطلع الليمون مناسب*
1. *اختاري الليمون الصح*: الليمون الأصفر الثقيل هو المسكر. الأخضر بيبقى مالح شوية.
2. *ابشري قبل العصر*: بشر الليمون فيه الزيوت اللي مدية النكهة القوية.
3. *وازني الحلو والحامض*: لو حسيتيها مززة أوي زودي معلقة عسل. لو مسكرة أوي زودي نقطة عصير.
4. *التقديم*: الليمون بيليق مع النعناع وجوز الهند المبشور. جربيهم.
الصيف محتاج نكهات تفوق.
والليمون هو أكثر حاجة بتعمل كده.
لا تقيل ولا يزهق.
حلويات الليمون هي الحل السحري للحر.
تارت باردة للعزومات - كيكة للبيت - وموس سريع للطوارئ.
3 طعم و3 استخدامات ونفس الانتعاش.
جربي النهاردة وقوليلي أنهي واحدة عجبتك أكتر.
*تنبيه *
الوصفات دي معلومات عامة للتغذية.
لو عندك حساسية من الحمضيات أو مشاكل في المعدة استشيري طبيب قبل الإكثار منها.
شكراً لمتابعتكم.
جربي وصفة منهم وصوريها وابعتيلي رأيك.
الرجاء تسجيل الدخول لتتمكن من التعليق