أسرار نجاح المعجنات في المنزل : 10 قواعد هتخليها هشة وطرية مثل المخابز*.

*كيفية عمل المعجنات ناجحة 100٪ دليلك الكامل لعجينة قطنية*

جميعنا بنحب رائحة المعجنات الطازجة من المنزل. ولكن كثير بنقابل مشكلة : مرة العجينة ناشفة ، مرة هابطة ، مرة لا تخمر.

الخبر السعيد : نجاح المعجنات ليس حظ. هذه خطوات وأسرار بيعملها المحترفين وتقدري تعميلها في مطبخك بسهولة.

في هذا المقال سنتعرف علي 10 أسرار مجربة هتخلي معجناتك قطنية وهشة وتطلع مظبوطة من أول مرة.

1. سر العجينة المثالية - من الدقيق إلى التخمير :

4 قواعد هامة لازم تعرفها قبل ما تبدأ :

نجاح 70٪ متوقف علي العجينة نفسها. لو الأساس صح الباقي هيكون أسهل.

1- نوع وجودة الدقيق بيفرق  جداً :

سر المخابز هو "الدقيق" متعدد الاستخدامات ، او دقيق مخصص للمعجنات والخبز .

نستبعد عن دقيق الكيك لأنه دقيق ضعيف ونستبعد دقيق للخبز لأنه قوي بزيادة.

القاعدة بسيطة : انخلي الدقيق مرتين. هذا بيساعد علي دخول الهواء وتكون العجينة أخف .

2- درجة حرارة المكونات : 
الخميرة بتحب الدفاء وليس السخونة . الماء واللبن لازم يكونوا دافيين.

لو في سخونة الخميرة هتبوظ. لو باردين لا تخمر.

الزبدة والبيض طلعيهم من الثلاجة قبلها بساعة.

3- العجن الكافي هو سر المطة.
العجن ليس لخلط المكونات فقط. العجن بيساعد علي قوة ومطة العجينة.
اعجني باليد لمدة 10 دقائق متواصلة. أو بالعجان لمدة 7 دقائق علي سرعة متوسطة.

كيفية التعرف علي إن العجينة تمام ؟ اعملي اختبار بسيط "خذي قطعة صغيرة وافرديها" ، لو اتفردت رقيق بدون ما تتقطع يبقي تمام.

4- التخمير الصح مرتين وليس مرة :

التخمير الأول : بعد العجن. غطي العجينة واتركيها في مكان دافئ لحد ما حجمها يتضاعف. هذا ممكن يأخذ من 45 دقيقة إلي ساعة.

التخمير الثاني : بعد التشكيل. هذه أهم خطوة للهشاشة. اتركي المعجنات بعد ما تشكليها 20 - 30 دقيقة تخمر ثاني .

القاعدة البسيطة : لو الجو برد شغلي الفرن دقيقة واطفيه ودخلي العجينة بداخله .

2. أسرار الحشو والتشكيل الذي تفرق في الطعم والشكل :

بعد ما تكون العجينة تمام نأتي لأهم نقطة : الحشو والتشكيل .

1/ الحشو لازم يكون بارد وناشف : 
أكبر خطأ هي إنك تحشي والحشو ساخن ، لأنه هيسيح الزبدة في العجينة وهتخليها تعجن .

صفي أي حشو فيه سوائل كويس جداً. للجبنة ضعي عليها معلقة نشا لكي تمسك.

2/ لا تكثري من وضع الحشو:
الحشو الكثير هيخلي العجينة لا تقفل كويس وهتفتح في الفرن .

3/ قفل العجينة بأحكام : 
بعد الحشو اضغطي على الاطراف كويس بأصابعك. ممكن تدهني الأطراف ماء خفيف لكي لا يلزق.

لعمل أشكال مختلفة مثل : الوردة - الهلال _ جميعهم محتاجين العجينة تكون مرتاحة ولا تلزق في اليد.

4/ وجه المعجنات بيلمع إزاي؟
دهان الوجه هو الذي يعطي لون ذهبي.
اخلطي صفار بيضة - معلقة لبن - رشة فانيليا أو رشة نسكافيه علشان الرائحة.

ادهني بالراحة بفرشاة. ورشي سمسم او حبة بركة بعد الدهان علي طول.

3: اسرار الخبز والتسوية لمعجنات طرية اسبوع*

وصلنا لاخر خطوة وهي التي تحدد هشاشة المعجنات.

1.  *سخني الفرن قبلها بـ 15 دقيقة*
   الفرن لازم يكون سخن جدا قبل ما تدخلي الصينية. درجة الحرارة المثالية لمعظم المعجنات 180-200 درجة.
   لو الفرن بارد المعجنات هتنشف قبل ما تستوي من جوه.

2.  *مكان الصينية في الفرن*
   حطي الصينية في الرف الاوسط. هذا بيوزع الحرارة بالتساوي. 
   لو عايزاها لون من تحت شغلي من تحت 5 دقايق في الاخر. ولو عايزة وش محمر شغلي الشواية دقيقة بس وراقبيها.

3.  *متطلعيهاش ناشفة*
   اول ما تاخد لون دهبي طلعيها فورا. كل دقيقة زيادة بتنشفها. المعجنات بتكمل سواها وهي سخنة.

4.  *سر الطراوة بعد الخبز*
هذه     اهم تكة بتاعت المخابز. اول ما تطلع المعجنات من الفرن غطيها بفوطة مطبخ نضيفة وهي سخنة لمدة 10 دقايق.
   البخار المحبوس هيرجع الطراوة للوش. بعد كده شيليها في علبة محكمة الغلق.

*5 اسرار زيادة سريعة:*

1.  *معلقة سكر للخميرة*: بتغذي الخميرة وبتسرع التخمير.

2.  *معلقة خل للعجينة*: بتخلي العجينة بيضا وهشة وبتطريها.

3.  *معلقتين لبن بودر*: بيدوا طعم غني ولون دهبي حلو.

4.  *متزوديش دقيق كتير*: العجينة المفروض تلزق سنة بسيطة. الدقيق الزيادة بينشفها.

5.  *جربي الخميرة الاول*: دايما دوبي الخميرة في مية دافية بمعلقة سكر. لو فارت بعد 5 دقايق يبقى شغالة.

المعجنات الناجحة محتاجة صبر وحب. جربي مرة واتنين وهتلاقي ايدك خدت عليها.

*تنبيه هام*: 
المعلومات في هذا المقال لاغراض التوعية العامة والتثقيف في مجال الطهي فقط. المقادير واوقات الخبز قد تختلف حسب نوع الفرن والمكونات المستخدمة. النتائج تختلف من شخص لاخر حسب الخبرة والالتزام بالمقادير. تاكدي من صلاحية الخميرة والمكونات قبل الاستخدام.