*من طبق جانبي لوجبة رئيسية... الطريقة هتفرق معاكي*.
جميعنا متعودين إن الرز - المكرونة - البطاطس - والخضار وأشياء كثيرة جدا هم فقط مجرد "أطباق جانبية". بنعملهم لكي يسندوا جنب الفراخ واللحمة او جنب بانيه او حاجة وخلاص.
طب لو قلتلك إن نفس هذا الطبق ممكن يبقى هو ملك السفرة؟ يبقى وجبة رئيسية متكاملة ومشبعة.
السر كله في "الطريقة". تركة صغيرة وبسيطة بتقلب الموازين. تعالي نشوف إزاي.
*1. 4 أطباق جانبية قلبناها وجبات رئيسية*
مش محتاجة ميزانية جديدة ولا شراء أشياء غالية الثمن. نفس المكونات ولكن بفكرة مختلفة وجديدة.
*1. الرز: من أبيض سادة لـ رز معمر بالخضار*
بدل ما تسلقي الرز في مية - حمري بصل وتوم وشوحي معاه بسلة وجزر وفاصوليا.
زودي شوربة وبهارات وكمون. في الآخر حطي معلقة سمنة على الوجه ودخليه الفرن 10 دقايق. بقى رز خضار متكامل.
ممكن يتاكل لوحده مع زبادي.(فكرة حلوة).
*2. المكرونة: من سادة لـ مكرونة بالعدس والصوص*
اسلقي المكرونة. وفي نفس الحلة اعملي صوص من طماطم - عدس بجبة مسلوق - توم - بهارات. قلبيهم مع بعض ورشة جبنة على الوجه. العدس عوض البروتين.
*3. البطاطس: من محمرة لـ صينية بطاطس مهروسة*
اسلقي البطاطس واهرسيها مع لبن وزبدة. في طاسة شوحي مشروم وبصل وفلفل ألوان. افردي البطاطس في صينية وضعي الحشوة في النصف وغطيها بطبقة بطاطس تانية. رشة جبنة موتزاريلا وعلى الفرن. بقت مثل الجراتان ووجبة كاملة.
*4. السلطة: من خضرا لـ سلطة مشبعة*
ضيفي للسلطة العادية حمص مسلوق أو فاصوليا بيضا أو بيض مسلوق أو تونة. وخبز محمص.
*2. 3 تكات بسيطة تقلب أي طبق جانبي لرئيسي*
هذه القاعدة الذهبية. احفظيها:
*التكة الأولى: زودي بروتين*
الطبق الجانبي ناقصه بروتين عشان يشبع. ضيفي عدس، حمص، فول، بيض، تونة، جبنة، أو حتى سوداني. البروتين هو اللي بيحسسك بالشبع.
(تركة مهمة جدا هتفرق معاكي).
*التكة الثانية: غيري طريقة السوا*
المسلوق والمحمر زهقنا منه. شوحي، حمري في الفرن، اعملي جراتان، أو حمري في الإير فراير. التحمير بيعطي طعم أغنى بكتير وبيغير شكل الطبق وبيغير أيضا الطعم.
*التكة الثالثة: الصوص هو الذي بيفرق*.
صوص طحينة، صوص زبادي، صوص طماطم متسبك، أو حتى رشة صويا صوص. الصوص بيحول الطبق من "ناشف" لـ "وجبة مختلفة تماما".
3. متي نستخدم هذه الفكرة المبتكرة.
1. *آخر الشهر*: الميزانية قليلة وعايزة تمشي حالك بأقل التكاليف وبوجبات مشبعة تسد معاكي لياقي اليوم.
2. *للزحمة*: بتخلص في وقت قصير ولا تحتاج لساعات طويلة ولا تعب ولا مجهود وات بهدلة.
الولاد مش هيحسوا بالفرق وهياكلوا الخضار والبقوليات وهما مبسوطين عشان الشكل اتغير.
مش دايماً لازم لحوم عشان نقول دي "وجبة رئيسية". ساعات الطبق الجانبي محتاج فقط لمسة وتفكير مختلف عشان يبقى هو البطل. جربي طريقة منهم النهاردة وقوليلي النتيجة.
شكراً لمتابعتكم جربوا وجددوا وقولولي أنهي وصفة عجبتكم.
شاركينا رأيك في الكومنتات هل تريدين اي استفسار او اي ملحوظة في المقال ، هرد عليكم كلكم.
الرجاء تسجيل الدخول لتتمكن من التعليق