*طريقة عمل المكرونة وايت صوص بالدجاج : سر الصوص الكريمي*.
المكرونة بالوايت صوص من الأكلات المفضلة لدي أشخاص عديدة. ولكن بنشتريها جاهزة وبصراحة بتكون روعة ولكن قررت نعمل الوصفة مع بعض لكي نوفر.
المشكلة الذي تقابل الكثير من الناس إن الصوص بيطلع مكتل أو خفيف.
النهاردة هنعملها سوا خطوة بخطوة بالفراخ والمشروم، ومعاها أسرار الصوص الكريمي الثقيل الذي يلزق في المكرونة.
*المقادير لعمل 4 أشخاص*
*للمكرونة:*
1-كيس مكرونة فوتشيني أو بيني 400 جرام.
2-ملح وماء للسلق.
3-معلقة من الزيت.
*للدجاج:*
- نصف كيلو صدور فراخ مقطعة مكعبات.
-
- ملعقة صغيرة ملح و فلفل - بابريكا - ثوم بودرة.
-
- ملعقة زبدة - ملعقة زيت.
*للوايت صوص:*
- 3 ملاعق كبيرة زبدة.
-
- 3 ملاعق كبيرة دقيق.
-
- 3 أكواب حليب كامل الدسم دافئ.
-
- كوب كريمة طبخ.
-
- كوب جبنة موتزاريلا مبشورة.
-
- نصف كوب جبنة بارميزان مبشورة
-
- 4 فصوص ثوم مفروم
-
- مكعب مرقة دجاج (اختياري).
-
- ملح - فلفل أبيض .
-
- مشروم مقطع (اختياري)
*1: سر سلق المكرونة عشان الصوص يلزق فيها*
ناس كثيرة لا تعرف سر هذه الخطوة وبتغسل المكرونة بعد السلق وده بيتلف كل حاجة.
1. *ماء كثير وملح*:
لكل كيس مكرونة 4 لتر مية - 2 ملعقة ملح كبيرة. الملح هو الذي يعطي طعم للمكرونة من الداخل.
2. *السلق ناقص دقيقتين*:
اسلقي المكرونة أقل من المكتوب على الكيس بدقيقتين. عشان تكمل سواها في الصوص ولا تعجن.
3. *احتفظي بماء السلق*:
قبل ما تصفي المكرونة شيلي كوب من مية السلق على جنب. النشا اللي فيها هو اللي هيثقل الصوص ويربطه.
*ممنوع الغسيل*:
صفي المكرونة ورجعيها الحلة وضعي عليها ملعقة زيت لكي لا تلزق. ولكن تجنبي غسلها بالماء.
*2. تشويح الفراخ والوايت صوص الكريمي بدون تكتلات*
هذه روح الأكلة كلها.
1. *الدجاج*: تبلي مكعبات الفراخ بالملح والفلفل. والبابريكا والثوم البودرة.
في طاسة سخنة ضعي زبدة وزيت وشوحي الدجاج على نار عالية 5 دقايق لحد ما تاخد لون. طلعيها على جنب.
2. *عمل الرو*:
في نفس الطاسة ضعي 3 ملاعق زبدة. أول ما تذوب انزلي بالثوم والمشروم وشوحي دقيقة. بعدين انزلي بالدقيق وقلبي دقيقة. هذه اسمها "الرو" وهي اللي بتققل الصوص.
3. *إضافة السوائل*:
انزلي بالحليب الدافئ شوية بشوية مع التقليب المستمر بمضرب سلك. لا تتوقفي عن التقليب لكي لا يحدث تكلات. بعد ما يبقى ناعم ضيفي كريمة الطبخ ومكعب المرقة.
*سر القوام*:
أول ما الصوص يبدأ يثقل وطي النار خالص.
ضيفي الموتزاريلا والبارميزان ورشة جوزة الطيب والفلفل الأبيض. قلبي لحد ما الجبنة تسيح.
*3: التجميع واللمسة الأخيرة *.
1. *دمج المكرونة*: نزلي المكرونة المسلوقة في حلة الصوص. قلبي كويس. لو الصوص ثقيل أوي فكيه بشوية من ماء سلق المكرونة الذي احتفظنا بها.
2. *إرجاع الدجاج*: رجعي مكعبات الفراخ المتشوحة وقلبي تقليبتين فقط.
3. *اللمسة الأخيرة*: اطفي النار وحطي ملعقة زبدة باردة وقلبي. الزبدة بتدي لمعة للصوص وطعم غني.
قدميها فوراً وهي ساخنة. رشي على الوجه بقدونس مفروم ورشة فلفل أسود وجبنة بارميزان زيادة.
*أنواع وتغييرات للوايت صوص*
1. *وايت صوص بالسلمون*: بدلي الفراخ بقطع سلمون مدخن.
2. *وايت صوص بالجمبري*: شوحي جمبري بثوم وزبدة وضيفيه في الآخر.
3. *نسخة نباتية*: شيلي الفراخ وزودي بروكلي ومشروم وكوسة.
*نصائح ذهبية *.
- الحليب لازم يكون دافئ. البارد بيعمل تكتلات مع الرو.
-
- متخليش الصوص يغلي غليان جامد بعد ما تحطي الجبنة عشان متخرزش.
-
- لو الصوص خف منك بعد شوية، ملعقة دقيق صغيرة مدوبة في حليب بارد هتظبطه.
-
- بتقعد في التلاجة 3 أيام. للتسخين زودي شوية حليب.
*تنبيه* :
الوصفة دي فيها منتجات ألبان وجلوتين ودسم عالي. غير مناسبة لمرضى حساسية اللاكتوز والقمح. ومرضى القلب والضغط يراعوا كمية الزبدة والكريمة والملح. تأكدي من نضج الفراخ 100% قبل التقديم.
جربوا الوصفة دي وقولولي الصوص طلع معاكم عامل إزاي لو عايزين وصفة مكرونة تانية اكتبولي في الكومنتات. بالهنا والشفا
الرجاء تسجيل الدخول لتتمكن من التعليق